Firefox yangi funksiyalari: Brauzer endi ish stoli kabi

Bir kunda nechta yangi tab ochasiz? Developer va tadbirkorlar uchun bu raqam 10 dan oshadi — bu aniq. Hujjatlar, kod omborlari, muloqot vositalari va tahlil panellari oralab yurish kundalik mehnatga aylandi.

Mana shunday vaziyatda Firefox o'zining yangi yangilanishida home page vidjetlarini taqdim etdi. Bu vidjetlar odatda alohida o'rnatiladigan extensionlarda topiladigan vositalarni to'g'ridan-to'g'ri brauzer ichiga olib keladi.

Qanday vositalar bor?

• Pomodoro taymeri — 25 daqiqa ishlash, 5 daqiqa tanaffus
• Vazifa ro'yxati — yangi tabda to'ldirish mumkin
• Vaqt mintaqasi ko'rsatkichi — remote jamoa bilan ishlayotganlar uchun
• Sport yangiliklari — debuggingdan charchaganlar uchun

Yondashuv qiziq

Firefox bu vositalarni alohida qo'shimcha yoki ilova qilmasdan, tab ochganingizda ko'rishingiz mumkin qilib qo'ydi. Ya'ni taymer uchun alohida ilova ochish shart emas — brauzer ichida ham bor.

Vidjetlarni qo'shish yoki olib tashlash, kattalashtirish yoki kichiklashtirish imkoniyati bor. Shu tariqa diqqat qilish va chalg'imaslik o'rtasida muvozanat yaratilgan.

Bu nimani bildiradi?

Brauzer ishlab chiquvchilar orasida "home page" muhim bo'lib qolmoqda. Chrome, Edge va boshqalar o'z tajribalarini takrorlashga harakat qilmoqda. Firefox esa reklama yoki yangiliklar oqimi o'rniga mahsuldorlikka e'tibor qaratdi.

Bu oddiy qulaylik masalasi emas. Brauzerlar endi faqat internetga kirish oynasi emas — bu to'liq ish stoli ga aylanmoqda.

Mozilla Project Nova haqida ham gapirdi. Ya'ni bu vidjetlar boshidir xolos — yanada katta o'zgarishlar kutib turibdi.

Xulosa: Brauzer o'zgarayapti. Agar u sizning ishingizni yengillashtiradigan bo'lsa — bu kuzatishga arziydigan tendentsiya.